Daerah
Hotnews
Landak
0
Dah Sunyi Boh Riapm Solakng
Talino ka' Riapm Solakng Tahutn Nian Sabebet Dibanding Tahutn De'e
LANDAK - Ja kata kamuda' Sarimakng, Bertus alias Boneng damanya, tahutn baru 1 Januari 2019 nian ka' tampat wisata Riapm Solakng, mara-mara sabebet talino nang baatangan.
"Aok sabebet talino tahun nian kade' dibandingan man tahutn baru 1 Januari 2018 de'e," ja kata Boneng ka' media nian, Selasa (1/1/2019) malam.
Boneng madah, ia nau'an ka' barita talino sabebet ka Riapm Solakng naung dibanding tahutn de'e koa jukut ia atakng langsung ka' tampat koa.
"Aku tadi batanya' langsung ka' panitianya. Panitia madah, talino mara-mara sabebet tahutn nian kade' dibanding tahutn de'e," ja Boneng (Anak Pauda' Sayudin/Ucu' pidara Nek Pak Teten).
Manurut Boneng, urakng sabebet tahutn nian ampus ka' Riapm Solakng, mungkin karana gi' masih baredoatn man kalatihatn gara-gara bajaga nyambut gawe tahutn baru tumalam. Jukut tumalam ada uga' acara aya' ka' Sinakin.
"Tumalam koa ada acara DJ nang dingatangan dari Jakarta ka' Sinakin. Bato rami dangan nonton. Pokoknya amper samua kamuda' dari kampokng nang ada ka' Sinakin sampe urakng Pahauman pun tatontokng ampus nonton DJ koa tumalam," kata Boneng.
Boneng madah, DJ nang dingatangan dari Jakarta koa badama DJ Gepeng, batujuan onto' ngaramian malam pagantiatn tahutn.
"DJ tumalam koa acara nang dimanjawat Senakin Project nang disaponsori' CU Pancur Kasih man ada uga' sadua' Caleg nang nyaponsori'nya. Acara tumalam koa ada uga' undian baadiahnya dari panitia," ja Boneng.
Lea nang diri tauatn, ka' diri' naung tarutama ka' Kampokng nang ada ka' daerah Sinakin, tiap malam pagantiatn tahutn, tatap rami. Jukut sigana nang bakarajaatn, bakuliahatn man basikolahatn ka' jauh pun tatap baatangan (bapulangan) ka' kampokng asalnya onto' batamu man page samadiatnnya sakaligus repo-repo agah pas waktu gawe tahutn baru.
Kade' pas tahutn barunya (1 Januari), samua tatontokng baampusatn agah ka' Riapm Solakng. Jukut ngka' dah kabiasaaan dari de'e koa ko mpakoa.
Paralu dituatn uga' onto' talino nang gi' nana' nauan, lokasi Riapm Solakng koa barada ka' Dusun Ladangan Sasampe, atau dama lainnya nang labih dikanal koa badama kampokng Gawan, ka' ujukng kampokng Balimo. Maraga tama' ka' kampokng Gawan koa dari simpang SMPN 1 Sengah Temila, Senakin, Kabupaten Landak, Kalbar (Jangkekng/depan subur).
Maraga notok Riapm koa dah edo. Jukut maraganya dah dingaspal. Jaraknya ina' jauh, paling sakitar 5 (lima) kilometer lah dari simpang nang dah dinyabutatn tadi koa.
LANDAK - Ja kata kamuda' Sarimakng, Bertus alias Boneng damanya, tahutn baru 1 Januari 2019 nian ka' tampat wisata Riapm Solakng, mara-mara sabebet talino nang baatangan.
"Aok sabebet talino tahun nian kade' dibandingan man tahutn baru 1 Januari 2018 de'e," ja kata Boneng ka' media nian, Selasa (1/1/2019) malam.
Boneng madah, ia nau'an ka' barita talino sabebet ka Riapm Solakng naung dibanding tahutn de'e koa jukut ia atakng langsung ka' tampat koa.
"Aku tadi batanya' langsung ka' panitianya. Panitia madah, talino mara-mara sabebet tahutn nian kade' dibanding tahutn de'e," ja Boneng (Anak Pauda' Sayudin/Ucu' pidara Nek Pak Teten).
Manurut Boneng, urakng sabebet tahutn nian ampus ka' Riapm Solakng, mungkin karana gi' masih baredoatn man kalatihatn gara-gara bajaga nyambut gawe tahutn baru tumalam. Jukut tumalam ada uga' acara aya' ka' Sinakin.
"Tumalam koa ada acara DJ nang dingatangan dari Jakarta ka' Sinakin. Bato rami dangan nonton. Pokoknya amper samua kamuda' dari kampokng nang ada ka' Sinakin sampe urakng Pahauman pun tatontokng ampus nonton DJ koa tumalam," kata Boneng.
Boneng madah, DJ nang dingatangan dari Jakarta koa badama DJ Gepeng, batujuan onto' ngaramian malam pagantiatn tahutn.
"DJ tumalam koa acara nang dimanjawat Senakin Project nang disaponsori' CU Pancur Kasih man ada uga' sadua' Caleg nang nyaponsori'nya. Acara tumalam koa ada uga' undian baadiahnya dari panitia," ja Boneng.
Lea nang diri tauatn, ka' diri' naung tarutama ka' Kampokng nang ada ka' daerah Sinakin, tiap malam pagantiatn tahutn, tatap rami. Jukut sigana nang bakarajaatn, bakuliahatn man basikolahatn ka' jauh pun tatap baatangan (bapulangan) ka' kampokng asalnya onto' batamu man page samadiatnnya sakaligus repo-repo agah pas waktu gawe tahutn baru.
Kade' pas tahutn barunya (1 Januari), samua tatontokng baampusatn agah ka' Riapm Solakng. Jukut ngka' dah kabiasaaan dari de'e koa ko mpakoa.
Paralu dituatn uga' onto' talino nang gi' nana' nauan, lokasi Riapm Solakng koa barada ka' Dusun Ladangan Sasampe, atau dama lainnya nang labih dikanal koa badama kampokng Gawan, ka' ujukng kampokng Balimo. Maraga tama' ka' kampokng Gawan koa dari simpang SMPN 1 Sengah Temila, Senakin, Kabupaten Landak, Kalbar (Jangkekng/depan subur).
Maraga notok Riapm koa dah edo. Jukut maraganya dah dingaspal. Jaraknya ina' jauh, paling sakitar 5 (lima) kilometer lah dari simpang nang dah dinyabutatn tadi koa.
Via
Daerah
