Budpar
Landak
0
Talino Rami ka' Pasar Sinakin Nunggu Bis
Penulis: Boneng
Editor : Wowot
LANDAK - Natal man tahutn baru dah laka'. Talino nang baatangan ka kampokngnya nang bakarajaatn, bakuliahatn, man basikolahatn ka' kota man ka' binua dangan pun dah mulai' bapulangan ka tampatnya sadua'-sadua'.
Lea nang ada kateleatn ka' pasar Sinakin ari nian. Bato miah raminya urakng nunggu oto panumpang (bis).
Calo' oto panumpang, Nomin damanya, urakng Tumila' Pasar Ulu, Sinakin, bapadah, kade' dah pansa rami lea nian,
pancariannya jadi calo' batambah aya' sampe 3 (tiga) kali lipat.
"Kek ari biasa pangasilanku Rp100 ribu sa'ari. Tapi kek dah pansa ari raya lea nian, naik jadi tiga kali lipat," ja kata Nomin ka' media nian, Kamis (3/1/2019).
Jojoh, urakng Pasar Ulu, nang karajanya jadi calo' uga' sama man Nomin pun madah sama.
"Aok bato ba, kek dah ari raya lea nian, mara-mara aya' namu," kata Jojoh.
Samintara koa, panumpang nang barasal dari Dusun Singkut Duriatn, Desa Gombang, Andi damanya, omornya 26 tahutn, madah dari jam 07.00 WIB alapm nunggu oto panumpang pulaknga' ka' Singkawang, tapi sampe jam 12.00 WIB, nape' namu oto panumpang soalnya oto panuh ma'an.
"Aku nian pulaknga' ka' Singkawang, tapi dari jam 7 alapm tadi sampe ampeatn gik nana' namu oto," ja Andi.
Dari paneleatn media nian, bato miah jalas urakng rami bapulangan ari nian. Oto-oto dari jurusan Pontianak, Singkawang, Ngabakng, Sanggau, Entikong man Sintang pun samuanya binsi'-binsi' di panumpang. Malah ada uga' oto nang mampojok dinaiki' panumpang sampe ka' atas kap dah lea buah rambe.
Editor : Wowot
LANDAK - Natal man tahutn baru dah laka'. Talino nang baatangan ka kampokngnya nang bakarajaatn, bakuliahatn, man basikolahatn ka' kota man ka' binua dangan pun dah mulai' bapulangan ka tampatnya sadua'-sadua'.
Lea nang ada kateleatn ka' pasar Sinakin ari nian. Bato miah raminya urakng nunggu oto panumpang (bis).
Calo' oto panumpang, Nomin damanya, urakng Tumila' Pasar Ulu, Sinakin, bapadah, kade' dah pansa rami lea nian,
pancariannya jadi calo' batambah aya' sampe 3 (tiga) kali lipat.
"Kek ari biasa pangasilanku Rp100 ribu sa'ari. Tapi kek dah pansa ari raya lea nian, naik jadi tiga kali lipat," ja kata Nomin ka' media nian, Kamis (3/1/2019).
Jojoh, urakng Pasar Ulu, nang karajanya jadi calo' uga' sama man Nomin pun madah sama.
"Aok bato ba, kek dah ari raya lea nian, mara-mara aya' namu," kata Jojoh.
Samintara koa, panumpang nang barasal dari Dusun Singkut Duriatn, Desa Gombang, Andi damanya, omornya 26 tahutn, madah dari jam 07.00 WIB alapm nunggu oto panumpang pulaknga' ka' Singkawang, tapi sampe jam 12.00 WIB, nape' namu oto panumpang soalnya oto panuh ma'an.
"Aku nian pulaknga' ka' Singkawang, tapi dari jam 7 alapm tadi sampe ampeatn gik nana' namu oto," ja Andi.
Dari paneleatn media nian, bato miah jalas urakng rami bapulangan ari nian. Oto-oto dari jurusan Pontianak, Singkawang, Ngabakng, Sanggau, Entikong man Sintang pun samuanya binsi'-binsi' di panumpang. Malah ada uga' oto nang mampojok dinaiki' panumpang sampe ka' atas kap dah lea buah rambe.
Via
Budpar
